Mid & W Wales Fire News

27 Mar 2026

Criwiau Rhanbarth y Gorllewin yn Cymryd Rhan yn Niwrnod Datblygu Earlswood

Western Division Crews Take Part in Earlswood Development Day

Criwiau Rhanbarth y Gorllewin yn Cymryd Rhan yn Niwrnod Datblygu Earlswood: 20260322 103537870 iOS-3

Ddydd Sul, 22 Mawrth, cynhaliodd Rhanbarth y Gorllewin Gwasanaeth Tân ac Achub Canolbarth a Gorllewin Cymru Ddiwrnod Datblygu yng Nghanolfan Hyfforddi Earlswood.

Fe ddaeth staff o Gaerfyrddin, Y Tymbl, Castell Newydd Emlyn, Aberdaugleddau, Aberth a Phontiets at eu gilydd am ddiwrnod a oedd wedi ei gynllunio er mwyn cryfhau sgiliau gweithredol a chefnogi gweithio yn gydweithredol.  

Drwy gydol y dydd, bu criwiau’n cymryd rhan mewn amrywiaeth o sefyllfaoedd hyfforddi realistig, gan gynnwys tanau tŷ gyda phobl wedi’u hadrodd i fod yna, a gwrthdrawiadau ar y ffordd â nifer o gerbydau, tanau cegin ac ymarferion achub llinell.

Cymerodd staff cefnogol ran hefyd, gan esgus bod yn bobl ag anafiadau ac aelodau o'r cyhoedd i helpu i greu amodau realistig ar gyfer digwyddiad, a galluogi criwiau i ymarfer y mathau o sefyllfaoedd y gallant eu hwynebu.

I gwblhau’r diwrnod, cymerodd yr holl griwiau ran mewn sefyllfa dân ar raddfa fawr, yn cynnwys cerbyd wedi'i leoli y tu mewn i garej ynghlwm wrth eiddo, gyda phobl wedi'u hadrodd i fod y tu mewn. Gweithiodd criwiau gyda'i gilydd fel y byddent mewn digwyddiad go iawn i gadw’r tân dan reolaeth ac achub y rhai oedd yn yr eiddo.

Roedd y diwrnod yn llwyddiant mawr, gan alluogi criwiau i gryfhau eu galluoedd gweithredol, gweithio'n agos gyda chydweithwyr o orsafoedd eraill a rhannu sgiliau arbenigol ar draws y Gwasanaeth.

20260322 150100903 iOS-2
20260322 151950447 iOS-2

20260322 125221410 iOS-2

Gwybodaeth Cyswllt

Emma Dyer
Mid and West Wales Fire and Rescue Service
e.dyer@mawwfire.gov.uk